TELKOMCEL APOIU EKUIPAMENTU GENOSE C19 UNIDADE RUA (2) BA DNASH - MINISTERIO SAUDE (MDS) TIMOR-LESTE


Dili, 09 de Junho 2021 – Kompania Telkomcel Timor-Leste oferese ekipamentu ho naran GeNose C19 unidade rua (2), ekipamentu refere uza hodi detekta virus Covid-19, nebe produs husi peskizador Universidade Gajah Mada (UGM) Indonezia ba Ministerio Saude Timor-Leste.

Ekipamentu GeNose C19 ida ne’e entrega direitamente husi ekipa Corporate Secretaria Telkomcel-Timor-Leste no simu direitamente husi Dr. Nilton do Carmo da Silva, SpoT, MBiomed, hanesan Kordenador Pilar VII COVID-19 iha Timor-Leste iha nia servisu fatin Caicoli, Dili, Kuarta (09/06/2021).

Telkomcel hato’o obrigado wain ba Kordenador Pilar VII Covid-19 iha Timor-Leste, Dr. Nilton do Carmo da Silva SpOT, MBiomed, neebe mak fo ona konfiansa no oportunidade ba Telkomcel atu kontrubui no oferese apoiu hodi kombate distribusaun virus Covid19 iha Timor-Leste. GeNose C19 rasik hanesan ekipamentu ida nebe utiliza hodi ajuda detekta moras ou infeksaun Covid-19 ho lais, akurasia no baratu e nomos sei fo benefisiu ba ema hotu.

GeNose C19 nia servisu hodi detekta Volatile Organic Compound (VOC) hanesan formadu ida tamba iha infeksaun Covid-19 nebe sai husi ita nia iis ba iha saku espesial, depois prosesu sei kontinua identifika liu husi sensor depois maka dadus sira nee sei prosesa ajuda husi intelijensia artificialmente nian (artificial intelligence). Ho detekta virus Covid19 neebe lais ekipamentu ida nemos iha presisao aas bele garantia kompara ho metodu testu Covid-19 sira seluk.

Kordenador Pilar VII Covid-19 Timor-Leste, Dr. Nilton do Carmo da Silva SpOT, MBiomed hanesan representa husi Direitor Jeral apresia tebes ho inisiativu husi kompanha Telkomcel no optimista katak ekipamentu GeNose C19 bele ajuda Ministerio Saude hodi minnimaliza transmisaun  moras virus Covid-19 iha Timor-Leste no sei nafatin kontinua sevisu no esforsu masimu hodi kombate moras virus Covid-19. Husi etapa balun persija antisipa no nafatin konsistente tuir regras protokolo saude nebee tuir padraun no rekomendasaun husi Ministerio Saude Timor-Leste.


*) Corporate Communication Telkomcel

Call Center 123
customer.care@telkomcel.tll
74747474
Telkomcel
IG: Telkomcel
Timor Plaza 4th Floor
Rua Presidente Nicolau Lobato, Dili-Timor Leste
TOP