Dili, 13 April 2022 - Telkomcel hala’o atividade sosiais liu husi Corporate Social Responsibility (CSR) nebe hare liu ba situasaun atual iha rai laran liu-liu kazu dengue halo labarik & familia barak nebe afetadu moras husi dengue nebe husi loron ba loron numero kazu dengue aumenta.

Responde ba situasaun hirak ne’e, Telkomcel oferese makina rega susuk (fogging) unidade rua (2) ba Ministerio Saude hodi tulun servisu Ministerio Saude nian no bele reduce kazu dengue iha Timor-Leste no liu husi susuk Aedes Aegypti nebe’e ameasa ba ema hotu liu-liu labarik sira nia vida.

Serimonia entrega makina rega susuk (fogging) ne’e partisipa husi reprezenta husi Manajemen Telkomcel, Vice-Presidente Marketing & Sales, Heru Yulianto, Jerenti, Sesaltina Jannet da R. Maia & ekipa nomos partisipa husi parte Ministerio Saúde, Vise-Ministru Saude, Bonifácio Mau Coli dos Reis Lic. SP no ekipa, iha Palacio das Cinzas, Caicoli, Dili (13/04/2022).

Ofisialmente serimonia entrega makina fogging entrega direitamente husi reprezenta Manajemen Telkomcel, Vice-Presidente Maketing & Sales, Heru Yulianto no simu husi Vice-Ministru Saude, Bonifáçio Mau Coli dos Reis Lic. SP.

Vice-Presidente, Marketing & Sales, Heru Yulianto sublina katak Telkomcel hanesan parseiru kontribui ba dezenvolvimentu nasaun RDTL, komitmentu nafatin apoiu guvernu Timor-Leste liu-husi Ministerio Saude hodi bele ajuda no suporta servisu Ministerio Saude & aselera prosesu atendementu pasiente ho moras infeksaun dengue iha Timor-Leste. Espera ho fasilidade ne’e bele fo benefisiu ba ema hotu no liu-liu ba labarik sira nia saude nudar futuru nasaun nian.

Sermonia entrega ekipamentu saude nian kontinuasaun husi atividade Corporate Social Responsibility (CSR), Telkomcel konsistente ho naran “Telkomcel Care” husi etapa permeiru fulan Febereiru tinan 2021, Telkomcel apoiu makina ventilador hodi ajuda prosesu dada iss / respiratorio. Etapa daruak, iha fulan Junho tinan 2021, Telkomcel ajuda tan makina Genose-19 hodi identifika infeksaun moras Covid-19 ho lais. Etapa dalatolu, selebra aniversariu Telkomcel ba dala-9, Telkomcel oferese tan kareta ambulansia unidade ida (1) ba Ministerio Saude, hodi apoiu no aselera servisu atendementu Covid-19.

Etapa ba dala haat, Telkomcel apoiu ekipamentu makina rega susuk (fogging) ba Ministerio Saude hodi bela ajuda reduce moras dengue iha Timor.Leste.

Vice-Ministru Saude, Bonifácio Mau Coli dos Reis Lic. hato’o obrigado & agradese wain ba kompania Telekomunikasaun Indonesia International (Telkomcel) ajuda tan ho makina rega susuk (fogging) ho unidade rua (2) ba Ministero Saude ho bele ajuda ita nia maluk sira nebe moras dengue nebe mak oras ne’e aumenta ba bebeik. Espera ita nia parseiru Telkomcel nafatin ba oin servisu hamutuk hodi fo apoiu malu nafatin tulun ita nia komunidade sira nia saude iha Timor-Leste.

#TelkomcelCare

#CorporateSocialResponsibility

#HamutukItaBele